योजना कार्यान्वयनलाई निर्धारित समयमै सम्पन्न गर्ने गरी दु्रत गतिमा कार्यान्वयन गर्दै रम्भा
पोसकान्त पोखरेल
बुटवल । रम्भा गाउँपालिका पाल्पाले चालु आर्थिक बर्षका लागि छनोटमा परेका योजनाहरुलाई निर्धारित समयमै सम्पन्न गर्ने गरी योजना कार्यान्वयनलाई दु्रत गतिमा अगाडी बढाएको छ । गाउँपालिकाका अध्यक्ष विष्णु प्रसाद भण्डारीले गाउँपालिकाले सम्भवतः जेठको दोश्रो साता योजना सम्पन्न गर्ने गरी उपभोक्ता समिति ठेकेदार लगायत सरोकारवाला सबैलाई ताकेता गरेको बताए । “रम्भा गाउँपालिकाको शान सुखी रम्भावासी समृद्ध हाम्रो अभियान” भन्ने मूल नाराका साथ गाउँपालिका स्थापना भएकोले सोही नारालाई मूर्तरुप दिने गरी नै संघीयता कार्यान्वयनमा आएको सुरुवाती चरणदेखि योजनाहरु कार्यान्वयनमा ल्याएको बताए । गाउँपालिकाको आर्थिक विकासका लागि कृषि तथा पशुपालन व्यवसायलाई व्यवस्थित बनाउँदै उत्पादनमा बृद्धि गरी आर्थिक मेरुदण्डको रुपमा लिएको, कृषि उत्पादनको बजारीकरणका लागि आवश्यक व्यवस्था मिलाईएको छ । दुधमा आत्मनिर्भर हुन गाईभैसी प्रवद्र्धन कार्यक्रम सञ्चालन, कृषि तथा पशु व्यवसायका लागि सहुलियत व्याजदरमा कर्जा प्रवाह कार्यक्रम सञ्चालन, प्राविधिक सेवा, आधुनिक कृषि औजार वितरण, हलगोरु व्यवस्थापन, लिची सुन्तलाजातका फलफुलहरुको जोन स्थापना गर्दै सम्भावित क्षेत्रलाई पकेटक्षेत्रको रुपमा विस्तार, उत्पादनमा आधारित अनुदानको व्यवस्था, शित भण्डारण केन्द्र व्यवस्थापन, भूमि बैंकको स्थापना, कृषकलाई सम्मान तथा पुरस्कारको व्यवस्था, मागमा आधारित कृषि तथा पशुविकास सम्बन्धी तालिमको व्यवस्था, बन्यजन्तु नियन्त्रण तथा व्यवस्थापनमा जोड दिएको बताए ।
त्यसैगरी आवश्यकताको आधारमा वित्तीय साक्षरता कार्यक्रम सञ्चालन, घरेलु तथा साना उद्योगको विकासका लागि नयाँ उद्यमी सृजना, स्तरोन्नती तथा प्राविधिक हस्तान्तरणमा जोड, औद्योगिकग्राम निर्माणाधिन अवस्थामा, बहुमुल्य जडिबुटी संरक्षण, पहिचान, संकलन र कानुन बमोजिम विक्रीवितरण, काठ प्रशोधन उद्योगको स्थापना, सम्भावित पर्यटकीय क्षेत्रहरुको अध्ययन तथा विकास र प्रर्वद्धनका कार्यक्रमहरु सञ्चालन, सामाजिक विकासतर्फ निशुल्क आधारभूत प्रयोगशालाको व्यवस्था, पोषणमैत्री पालिका निर्माणको लागि विविध कार्यक्रमहरु सञ्चालन र कार्यान्वयन, निशुल्क रक्त सेवा तथा निशुल्क मोतियाविन्दुको शल्यक्रिया, स्वास्थ्य संस्थामा आवश्यक उपकरणहरु र औषधीको व्यवस्थापन, सुरक्षित खोप कार्यक्रमहरु सञ्चालन, जेष्ठ नागरिकलाई घरघरमा गएर स्वास्थ्य सेवाको व्यवस्थापन, सामुदायिक स्वास्थ्य स्वम्सेविकालाई दिंदै आएको मासिक प्रोत्साहन रकम, सम्मानजनक विदाई, स्वास्थ्य उपचारमा बीमा कार्यक्रम, अवलोकलन भ्रमण अन्र्तक्रिया कार्यक्रम सञ्चालन, विशेषज्ञ सहितको एकिकृत घुम्ति शिविरहरु सञ्चालन, असाहय स्वास्थ्य उपचार सहायता कोष स्थापना, गर्भवती सुत्केरी सँग गाउँपालिका कार्याक्रमलाई व्यवस्थित गरी पोषणयुक्त कोशेली प्रदान, जेष्ठ नागरिकहरुका लागि न्यानो कपडा वितरण, सुत्केरी यातायात कार्यक्रम सञ्चालन भएको अध्यक्ष भण्डारीले जानकारी गराए ।
शिक्षा, संस्कृति, भाषा, कला तथा सहित्यको क्षेक्षमा पढ्दै जाउँ, कमाउँदै जाउँ नीति अबलम्वन गर्दै विद्यार्थीलाई भित्र्याउने, टिकाउने, सिकाउने र विकाउने तथा स.स्कार सहितको प्रविधीमैत्री शिक्षा नीति अवलम्बन गरेका छौं । अभिभावक बिहीन तथा अतिविपन्न वर्गका बालवालिकाका लागि अभिभाकत्व ग्रहण गरेर माध्यमिक तहसम्म अध्यापन गराउने नीति अवलम्बन गरेका छौं । विशेष गरेर गाउँपालिकाले गुणस्तरीय शिक्षामा जोड दिएको अवस्था छ । एक वडा एक खेल मैदान निर्माण, मेरो जन्मभूमि मेरो दायित्व अभियान, दीगो विकास, सिंचाई, विद्युत, पूर्वाधार विकास पिउनेपानी तथा सरसफाई, बन तथा वातावरण सु–शासन तथा सेवा प्रवाह लगायतका चौतर्फी क्षेत्रमा काम भैरहेको छ, अध्यक्ष भण्डारीले भने ।
चालु आर्थिक बर्षमा ठुला प्रकृतिका करिब २० वटा योजनाहरु रहेको र हाल सम्म १५ वटा योजनाहरुको टेण्डर आव्हान भैसकेको जानकारी गराउँदै प्रमुख प्रशासकीय अधिकृत बीर बहादुर पुनले मंसिर मसान्त सम्म सबै योजनाहरु टेण्डर प्रक्रियामा गएर काम सुरु भैसक्ने जानकारी गराए । चालु आर्थिक बर्षमा कर्भडहल, १५ सैयाको अस्पताल सञ्चालनमा आउनुका साथै गाउँपालिकाको प्रशासकीय भवन निर्माण कार्यले गति लिनु र र्यटन प्रवद्र्धनका विभिन्न कार्यक्रमहरुले गाउँपालिकाको गौरव बढाउने दाबी गर्दै ‘स्मार्ट आमा’ कार्यक्रम, पोषणमैत्री कार्यक्रम, राष्ट्रपति रनिङशिल्ड, एकिकृत घुम्ति शिविर, ‘एक घर एक करेशा बारी’, प्रविधीमैत्री सेवा, जनआयस्तर बृद्धिका लागि सञ्चालनमा आउने विभिन्न योजनाहरुले पालिकाबासीलाई स्थानीय सरकारको प्रत्यक्ष अनुभूति मिल्ने विश्वास व्यक्त गरे ।
हाल संबैधानिक व्यवस्था अनुसार गाउँपालिकाले सम्पत्ति तथा घर जग्गा कर, मालपोत कर, घर जग्गा बहाल कर, व्यवसाय दर्ता, नविकरण तथा व्यवसाय कर, जडिबुटी कवाडी र जीवजन्तु कर, सवारी साधन कर, विज्ञापन कर, मनोरञ्जन कर, बहाल विटौरी शुल्क, सूचिकृत शुल्क, पार्किङ शुल्क, ट्रेकिङ कायाकिङ, क्यानोईङ, बजिजम्पिङ, जीपफ्लायर र ¥याफटिङ शुल्क, सेवा शुल्क तथा दस्तुर, पर्यटन शुल्क, ढुङ्गा गिट्टी बालुवा शुल्क, घर नक्सा सेवा शुल्क, पंजीकरण विलम्व शुल्क, दण्ड जरिवाना अन्य कर लगायतका क्षेत्रहरुबाट पालिकाको आन्तरिक आम्दानीका मुख्य श्रोतहरु भएतापनि पर्याप्त नहुने जानकारी गराउँदै प्रमुख प्रशासकीय अधिकृत पुनले आन्तरिक आम्दानी बृद्धिको लागि करको दायरा बृद्धि गर्दै जाने रणनीति अवलम्बन गरेपनि उपलब्ध सीमित श्रोत र साधनबाट जनताका अधिक भन्दा अधिक आवश्यकताहरुलाई सम्बोधन हुने गरी प्राथमिकतालाई सूचिकरण गरेर क्रमिक रुपमा कार्यान्वयनमा ल्याउने गरेको बताए ।
