अग्नि परीक्षा सम्वाददाता
बुटवल । कपिलवस्तुको मायादेवी गाउँपालिकाका तत्कालीन तीन प्रमुख प्रशासकीय अधिकृतसहित सात जनाविरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान अयोगले प्रमुख प्रशासकीय अधिकृतहरू रामचन्द्र ढकाल, प्रमेश्वर यादव, कृष्णप्रसाद तिमिल्सनासहित सात जनाविरुद्ध आज विशेष अदालतमा मुद्दा दायर गरेको हो । यस्तै गाउँपालिकाका तत्कालीन लेखा अधिकृत प्रकाश गौतम, सिनियर अहेब महेन्द्रप्रसाद यादव, लेखापाल तुल्सीराम पौडेल र लेखा कर्मचारी गिरीराज गौतमविरुद्ध पनि मुद्दा दायर भएको छ । उनीहरूले पेश्की रकम फिर्ता नगरी ४६ लाख रुपैयाँभन्दा धेरै रकम अनियमितता गरेको अख्तियारको आरोपपत्रमा उल्लेख छ । अख्तियारले उनीहरूसँग फरक फरक बिगो माग गरेको छ ।
