संघीय मामिला तथा सामान्य प्रशासन मन्त्रालयद्वारा ६३ स्थानीय तहहरुमा प्रमुख प्रशासकीय अधिकृतहरु हेरफेर

संघीय मामिला तथा सामान्य प्रशासन मन्त्रालयले २०८२ साउन १६ गते शुक्रबारको निर्णय अनुसार राज्यका विभिन्न निकाय अन्र्तगतका कार्यालयहरुमा कार्यरत द्वितीय श्रेणी, उपसचिव वा सो सरहका २५ जना कर्मचारीहरुलाई सरुवा गरेको छ । उक्त सूचीमा १२ जना विभिन्न स्थानीय तहहरुमा प्रमुख प्रशासकीय अधिकृतको रुपमा कार्यरत रहेका अथवा प्रमुख प्रशासकीय अधिकृतको जिम्मेवारी सम्हाल्ने गरी सरुवा गरेको छ । सोही दिन मन्त्रालयले शाखा अधिकृत वा सो सरहका ८५ जना कर्मचारीहरुलाई हेरफेर अथवा सरुवा पनि गरेको छ । ति मध्ये ५१ जना स्थानीय तहहरुमा प्रमुख प्रशासकीय अधिकृतको रुपमा कार्यरत रहेका अथवा प्रमुख प्रशासकीय अधिकृतको पदीय जिम्मेवारीमा सम्हाल्ने गरी सरुवा गरेको छ । सो दिन मन्त्रालयले देशभरका ६३ वटा स्थानीय तहहरुका प्रमुख प्रशासकीय अधिकृत हेरफेर तथा सरुवा गरेको छ । मन्त्रालयका अनुसार विभिन्न स्थानीय तहहरुमा प्रमुख प्रशासकीय अधिकृतको रुपमा कार्यरत कुनै कर्मचारीलाई प्रमुख प्रशासकीय अधिकृतको जिम्मेवारी तोकेर हेरफेर गरेको छ भने कुनैलाई शाखा अधिकृतको रुपमा विभिन्न मन्त्रालय मातहतका कार्यालयहरुमा सरुवा गरेको छ ।

स्थानीय तहहरुमा हेरफेर वा सरुवा भएका उपसचिव वा सो सरहका कर्मचारीहरुमा भेषराज खनाललाई मधुवन नगरपालिका, बर्दियाबाट मुख्यमन्त्री तथा मन्त्री परिषदको कार्यालय, लुम्बिनी प्रदेशमा सरुवा भएका छन् । जितेन्द्र कुमार यादवलाई गृह मन्त्रालय अन्र्तगतको कार्यालयबाट हरिपुर नगरपालिका, सर्लाही, नरेश कुमार यादवलाई गृह मन्त्रालयबाट हरिपुर नगरपालिका, सर्लाही, पुरुषोतम सुवेदीलाई निकण्ठ नगरपालिका, धादिङबाट कागेश्वरी मनोहरा नगरपालिका, काठमाडौं, हरिराम नागिलालाई कागेश्वरी मनोहरा नगरपालिका, काठमाडौंबाट बाह्रविसे नगरपालिका, सिन्धुपाञ्चोक, ईश्वरी प्रसाद शर्मालाई बाह्रविसे नगरपालिका, सिन्धुपाञ्चोकबाट बागलुङ नगरपालिका, बागलुङ, हरिदंत कंडेललाई बागलुङ नगरपालिका, बागलुङबाट निकण्ठ नगरपालिका, धादिङ, घनश्याम गौतमलाई गल्कोट नगरपालिका, बागलुङबाट कुस्मा नगरपालिका, पर्वत, नेत्र प्रसाद पौडेललाई कुस्मा नगरपालिका, पर्वतबाटसंघीय मामिला तथा सामान्य प्रशासन मन्त्रालय, लिलाराज पौडेललाई कावासोती नगरपालिका, नवलपरासीबाट संघीय मामिला तथा सामान्य प्रशासन मन्त्रालय, मेघराज सोनीलाई आठबीसकोट नगरपालिका, रुकुम पश्चिमबाट जिल्ला समन्वय समिति, रुकुम पश्चिम, महेश पाण्डे जिल्ला समन्वय समितिको कार्यालय, मोरङबाट कावासोती नगरपालिका, नवलपरासी सरुवा भएका छन् ।