एजेन्सी । करिना कपूर खान आफ्नो अर्को फिल्ममा आफूभन्दा कान्छा स्टारसँग रोमान्स गर्ने देखिन सक्ने भारतिय सञ्चार माध्यमहरुले जनाएका छन् । समाचारको कुनै आधिकारिक घोषणा भएको नभएतापनि करिनाले आफ्नो अर्को प्रोजेक्टमा भूत बनेर मानिसहरूलाई डराबउने खबर प्रकाशित भएका छन् । उनले अभिनय गर्ने भनिएको फिल्ममा कास्ट हुने कलाकार उनीभन्दा धेरै कान्छा रहेको बुझिएको छ ।
रणवीर सिंह आफ्नो आगामी फिल्म धुरंधरमा सारा अर्जुनसँग रोमान्स गर्ने देखिने बताईएको छ । रणवीर ४० वर्षका छन् भने सारा २० वर्षकी छिन् । फिल्मको ट्रेलर रिलिज भएपछि धेरैले यी दुईको जोडीमाथि प्रश्न उठाएका थिए कि यी दुई बीच उमेरको ठूलो अन्तर रहेको छ ।
समाचार अनुसार ४४ वर्षीया करीना कपूरले चाँडै नै आफ्नो आगामी फिल्ममा आफूभन्दा २० वर्ष कान्छो अभिनेतासँग रोमान्स गर्नेछिन् । भारतीय सञ्चार माध्यमहरुका अनुसार यो एक डरलाग्दो फिल्म हुनेछ जसमा करीना भूतको भूमिकामा देखिनेछिन् । डेक्कन क्रोनिकलको रिपोर्ट अनुसार, “करीनालाई भूतको रूपमा प्रस्तुत गर्ने यो अनौठो कथाको पटकथा धेरै ताजा छ र यसले यस विधामा पूर्ण रूपमा नयाँ स्थान सिर्जना गर्नेछ र करीना यस भूमिकाको लागि उपयुक्त छिन् ।”
