बुटवल । बगनासकाली गाउँपालिका पाल्पाले चालु आर्थिक बर्ष २०८१/८२ मा वित्तीय प्रगति झण्डै ९० प्रतिशत गरेको छ । गाउँपालिकाका लेखा अधिकृत कोशलराज पौडेलका अनुसार गाउँपालिकाले चालु आवमा छुट्याईएको कूल ५६ करोड ९९ लाख दुई हजार रुपैयाँ मध्ये चालु र पुँजीगत गरी ८९ दशमलव २९ प्रतिशत वित्तीय प्रगति गरेको छ ।
गाउँपालिकाले चालुतर्फ ३७ करोड दश लाख ९५ हजार रुपैयाँ छुट्याएकोमा ३३ करोड ७६ लाख चार हजार एक सय आठ रुपैयाँ खर्च गरेको छ भने, पुँजीगततर्फ छुट्याईएको १९ करोड ८८ लाख सात हजार रुपैयाँमा १७ करोड १२ लाख ९९ हजार आठ सय १४ रुपैयाँ गरी ८९ दशमलव २९ प्रतिशत वित्तीय प्रगति भएको लेखा अधिकृत पौडेलले जानकारी गराए ।
